Rreth Nesh
Një shkollë e ndërtuar me qëllim
Misioni ynë
Njutoni ekziston për të përgatitur nxënës me aftësinë për të kuptuar, për të argumentuar dhe për të vendosur.
Themele akademike
Një program që tejkalon standardet kombëtare dhe u hap rrugën nxënësve për të shkuar më larg.
Gjuhët e huaja
Anglishtja dhe italishtja ndiqen paralelisht nga klasa e 10-të deri në maturë, deri në nivel pune.
Rezultatet ndër vite
96% e maturantëve tanë vazhdojnë studimet universitare brenda ose jashtë vendit.
Kush jemi
Gjimnazi Njuton – një nga gjimnazet private më të mira në Tiranë
Gjimnazi Njuton është një institucion arsimor në Tiranë, i fokusuar në ofrimin e një formimi të lartë akademik, shkencor dhe qytetar për nxënësit. Me një qasje moderne ndaj arsimit dhe me fokus te zhvillimi i aftësive të nxënësve, synojmë të jemi ndër gjimnazet më të mira në Tiranë.
Gjimnazi ynë dhe Isak Njutoni
Zgjodhëm emrin e njërit prej shkencëtarëve më me ndikim të të gjitha kohërave, një figurë kyçe e revolucionit shkencor. I quajtur babai i shkencës moderne, Isak Njutoni ndryshoi rrënjësisht kuptimin që kemi për botën.
Ai ishte një njeri i vërtetë i Rilindjes, me arritje në disa fusha — astronomi, fizikë dhe matematikë. Njutoni na dha teori të reja për gravitetin, lëvizjet planetare dhe optikën.
Kjo ka qenë arsyeja që ai ka shërbyer si frymëzim për të gjithë ata që e duan shkencën moderne, por në veçanti për nxënësit dhe drejtuesit e shkollës sonë.
Në Gjimnazin Njuton, personaliteti dhe dinjiteti i nxënësit respektohen në nivelin më të lartë. Niveli dhe formimi shkencor apo qytetar i nxënësve maten kryesisht nga aftësitë që ata fitojnë dhe nga mënyra se si i përdorin ato në jetën akademike dhe shoqërore.
Si gjimnaz privat në Tiranë, synimi ynë është të krijojmë një mjedis ku nxënësit jo vetëm të marrin njohuri, por edhe të zhvillojnë mendimin kritik, pavarësinë, përgjegjësinë dhe dashurinë për dijen.
- Korrik 2007
- Gjimnazi hapi dyert e tij për herë të parë.
- 20 vite
- eksperiencë në arsim.
- Matura Shtetërore
- Nxënësit vlerësohen rregullisht, dhe kjo pasqyrohet në rezultatet e larta të maturës.
Vlerat që na udhëheqin
Saktësi
Standarde akademike të qarta dhe të njëjta — të shoqëruara me mbështetjen që i bën ato të arritshme.
Hapje
Anglishtja dhe italishtja nuk janë thjesht lëndë. Janë dy dyer që u hapin nxënësve universitete dhe karriera jashtë kufijve.
Kujdes
Klasa të vogla dhe një mentor për secilën klasë.
Integritet
Komunikim i hapur me prindërit dhe vlerësim korrekt i nxënësve.
Akreditimi
Gjimnazi Njuton operon si institucion privat i arsimit të mesëm i licencuar në Republikën e Shqipërisë.